Chapter 96
CLARA
Pagpasok nila Lance sa loob ay agad naman silang sinalubong ng dalawa sina Mommy at Daddy. Agad nitong kinuha ang mga bata.
"Mom, Dad, kanina pa kayo?" bati ni Lance sa mga magulang niya.
"Oo, kanina pa kami ng Mommy mo rito. At ano na naman itong problema niyo ng asawa mo, huh?" seryosong tanong ng Daddy kay Lance.
"Wala naman, Dad. Ipinasyal ko lang ang mga bata," sagot naman ni Lance at hindi tumitingin sa akin.
Habang ang mga bata naman ay abala sa mga bagong laruan nila na pinamili ng ama nila.
"Wala? Eh, naabutan naming umiiyak ang asawa mo rito at iniwan mo pa mag-isa," sabi naman ni Daddy.
Tumingin sa akin si Lance at taas ang kilay nito na parang binabasa ang mukha ko. Sumimangot lang ako sa kaniya.
"Eh, bakit naman siya umiiyak? Niyaya ko naman siy
