Chapter 40
“Kanino nga galing iyong mga bulaklak, Ashley?”
Napatingin ako kay Ashley habang naglalagay siya ng kanin sa kaniyang plato. Katapat ko siya at katabi naman niya si Kuya Arthur at si Miguel. Bumalik din sila kaagad kanina nang hilahin siya paalis ni Miguel. Mukhang hindi nga lang natapos ang pag-uusap nila base na rin sa itsura ni Miguel ngayon.
“Kilala mo ba ang nagbigay ng bulaklak, Cena?” baling sa akin ni Miguel.
Napangiwi ako at tumingin kay Ashley. Nakita kong napabuntong hininga ito. Hindi ko alam na ganito kaagresibo si Miguel kapag tungkol kay Ashley.
“Hindi, eh. Ang sabi din naman ng katulong nila Ashley ay galing sa isang secret admirer. Mukhang wala ding balak magpakilala base sa sulat sa card. Malalaman lang ni Ashley kung sino iyon kapag pumunta siya bukas
