“NEIL, hindi naman kailangan,” sabi ni Meg kay Neil nang mapagdesisyunan ng huli na sumama sa kanya sa Batangas para sa ika-limampung kaarawan ng kanyang ina. Para raw makabawi sa hindi nito pagpunta noon, at para makahingi na rin ng tawad.
Hindi naman niya puwedeng sabihin na ayaw talaga niyang isama doon ang kasintahan dahil hindi naman iyon tama. Hindi niya lang alam kung paano niya ihaharap si Neil sa kanyang ina, pati kina Lalaine at Marvin at hindi rin niya alam kung paano maipagpapaliban ang pagpunta nila doon.
Pero naroon na sila ni Neil, pumarada na ang kotse ng binata sa harap ng bahay nila. Pinagbuksan siya ng pinto ni Neil at magkahawak-kamay silang pumasok sa gate. Naroon na ang nanay niya sa hagdan, malaki ang ngiti, katabi sina Lalaine at Marvin. Saglit siyang huminto sa p
