“THEY seem to be very friendly. Nakakapagtaka lang na parang kilalang-kilala na nila ‘ko,” sabi ni Neil nang muli silang magkita pagkaraan ng ilang araw. Katatapos lamang nilang mag-dinner at inihatid siya nito sa kanyang condo unit.
“Palagi kasi kitang ikinukuwento sa kanila,” sabi niya.
“Talaga? So dapat alam nila na talagang ganito ko manamit. At hindi mo ba nabanggit sa nanay mo na hindi ako mahilig sa isda, at allergic ako sa alimango?”
Isda at alimango ang gustong-gusto ni Nick nung naroon sila sa Batangas at ito mismo ang nag-re-request sa kanyang ina ng pagkaing iyon.
“And this Joan, nagtataka siya kung bakit parang hindi ko raw siya kilala, eh hindi ko naman talaga s’ya kilala. At nagalit pa yata nung tanungin ko ang pangalan niya.”
“Hindi ko kasi nasabi sa kanya na kakambal
