Chapter 66
Ilang minuto din kaming tahimik habang parehong nakatanaw sa malawak na karagatan, nang marinig namin ang mahinang hagikhik ni Chloey kaya't napalingon kami sa direksyon nito, at mabilis na napako ang tingin ko sa hawak nito habang naglalakad palapit sa amin.
Di ko napigilan ang mapangiti habang nakatuon ang aking mga mata sa bulaklak na hawak nito, ngunit nabaling sa mukha ni Chloey ang tingin ko nang maramdaman ko ang marahang paghila nito sa kamay ko. Dahil duon ay napaupo ako upang magpantay ang mukha naming dalawa.
Nginitian ko si Chloey, bago marahang iginigilid ang mga takas na buhok na tila dulot nang malakas na simoy ng hangin. Nakatingin sakin si Chloey habang may ngiti sa labi, at hindi ko maiwasang makita sa mukha nito ang mukha ng kanyang ama. Parehong-pareho s
