REIGHN SELESTINE
“Bye, mahal.” nakangiti na sabi ko sa asawa ko.
“Ingat ka sa pagda-drive,” nakangiti na sabi niya. Hinalikan niya muna ako sa labi bago niya pinasuot sa akin ang helmet ko.
“Love you,” sabi ko sa kanya.
“Love you more. Hintayin mo ako mamaya, may pupuntahan tayo.” sabi niya sa akin.
“Saan?”
“Secret,” nakangiti na sabi niya.
Nagpaalam na ako sa kanya na mauuna na ako. Bumusena ako nang dumaan ako bahay nila mommy. n
“Bye, mommy!” narinig ko na sigaw ng anak ko sa akin kaya napangiti ako. Alam na alam niya kasi na ako ang dumaan. Dahil kanina nang malaman niya na andito na ang motor ko ay tuwang-tuwa talaga siya. Tinalo pa niya ako dahil sobrang saya ng anak ko.
Natutuwa ako dahil ang gaan lang nitong motor ko. Ayaw pa nga sana pumayag ni daddy na magmotor ako kaya
