REIGHN SELESTINE
Ganado akong bumangon. Kahit pa napalaban ako kagabi ay talagang maaga ako gumising para magluto ng breakfast namin. Tulog na tulog pa ang mag-ama ko kaya bumaba na ako para pumunta sa kusina. Nine pa naman ang class ko, kailangan ko munang magluto para sabay-sabay kaming kumain mamaya.
Maaga naman palagi ang gising ni Viel kaya bago kami umalis ng asawa ko ay kumain na muna siya bago pumunta sa bahay nila mommy. Naghahanap pa kasi kami ng makakasama namin dito sa bahay. Gusto ko rin kasi ‘yung mapagkakatiwalaan namin at maayos kasama sa bahay.
Sa US kasi ay wala kaming kasama sa bahay. Kami lang rin na tatlo at kinaya naman namin. Nagtutulungan lang din talaga kami ng asawa ko at minsan naman ay si Mama Veron ang tumutulong sa amin. Kahit pa nagagalit ang asawa niya ay
