“Kailan daw ba? Mamayang hapon?” dinig ko ang boses ni Jacob mula sa labas.
Nagising ako dahil sa ingay na ginawa niya. Naupo ako sa loob ng aking tent at nag-unat. Mahina kong binuksan ang zipper ng aking tent upang hindi makagawa ng ingay dahil baka madisturbo ko si Jacob. Nakita kong nakasikat na ang araw kaya alam kong napasarap ang tulog ko dahil balak ko sanang manuod ng sunrise ngayon.
“Kaya ko naman. Ilang tao ba? Walo?” boses ulit ni Jacob iyon.
Napakamot ako sa ulo ko at hinanap ang cellphone ko para tignan kung anong oras na ngayon. Bago pa lang tumuntong ang alas sais ngunit sobrang liwanag ng lugar na ito. Ibinababa ko ang cellphone ko at nakita si Jacob na may katawag sa kaniyang cellphone at nakapamewang pa. Napansin niyang lumabas ako sa tent kaya mabilis niya akong tini
