C6
NAKANGITING bumaba si Heart sa sasakyan nang makita na sumasalubong na kaagad si Carmenzita sa kanila.
Wala siyang imik kanina pa, mula ng sunduin siya ng mag-ama niya sa restaurant. Tulog na si Lush sa kandungan niya at maagap na kinarga ni Lux, na nakikiramdam sa kanya kanina pa.
Pamasid-masid ito at sa takot siguro na magtopak siya ay hindi na lang din umiimik. Hindi rin naman kasi siya sumasagot kapag tinatanong siya kung anong mali. Hindi niya alam kung anong mali. Baka utak niya ang mali dahil kung anu-ano na naman ang sumasagi sa isip niya.
"Congratulations," ani Carmen sa kanya kaya napakunot noo siya. Nasa pinto pa lang sila ay parang excited ito na sobra sa kung anong bagay.
"Para saan po, Ma?" Tanong niya sa matanda, na inakay na siya matapos halikan si Lush sa noo.
"We
