Nanginginig ang mga kamay ni Cecilia habang nasa loob ng sasakyan, hindi pa rin siya makapaniwala sa mga nangyari ngayong araw na ito, akala niya katapusan na ng buhay niya kanina at labis ang pag-aalala na naramdaman niya para sa kanyang dinadala.
Tanaw niya mula sa bintana ang mga sasakyan na nakapaligid sa minahan, mga sundalo ng salinlahi, pati na rin ang mga pulis na ipinadala ng republika.
Napapaligiran ang lugar at nagliliwanag ang paligid sa ilaw asul at pula na mula sa mga sasakyan at ambulansya.
Kita niya ang paglabas ng mga bangkay ni Carl at Nathalia na nakalagay na sa body bag at inilagay sa ambulansya. Bukod pa roon ay inilalabas na rin sa loob ng minahan lahat ng ebidensya lalo na ang mga itinago nila Nathalia.
Napayakap siya sa kanyang sarili ng maalala ang mga naganap
