AURORA
SINIKAP kong maging normal pa rin ang pagsasama namin ni Mikael sa kabila ng aberyang nangyari at ang desisyon na ipagpaliban muna ang aming kasal.
Hindi ko pa naipaliliwanag kina nanay ang naging desisyon namin ay ayaw ko ring mag-alala sila o magalit kapag nalamang dahil sa mommy ni Mikael kaya kami nauwi sa ganitong desisyon.
Ngunit nagbago ang ugali ni Mikael. Ang dating energetic at excited niyang ugali ay napalitan ng pagiging seryoso at pagiging mainitin ang ulo. Mas madalas na rin siyang mag-overtime sa trabaho at umuuwing amoy alak. Hindi na rin namin siya nakakasabay kumain dahil tulog na ang mga bata sa tuwing dumarating siya. Hindi rin nagagalaw man lang ang iniiwan kong pagkain sa lamesa para sa kaniya. Gustong-gusto ko siyang kausapin pero natatakot akong mauwi lam
