AURORA
NAG-AAGAW na ang dilim at liwanag nang ihatid kami ni Zach sa mansion.
Hindi na rin nagpa-imbita sa loob ng bahay si Zach at umalis din agad.
Alam kong nasa loob na si Mikael dahil nakaparada na ang kotse niya sa labas.
Sa ilang linggo na halos mag-u-umaga na siya umuuwi ay ngayon lang niya nagawang umuwi ng mas maaga. Naku-curious ako sa dahilan ng maagang pag-uwi niya at may parte rin sa akin na excited siyang makita at makasabay ng mga anak namin sa pagkain.
Inihatid ko muna sa kwarto ang mga bata at nagtungo sa kwarto namin ni Mikael para tignan siya at ayain ring maghapunan.
Nasa tapat pa lamang ako ng pinto ay tanaw ko na sa munting siwang ng bahagyang bukas na pinto ang liwanag na nagmumula sa loob ng silid. May kung anong pakiramdam ang sumilay sa aking dibdib. Doon pa
