AURORA
BAGAMA'T hindi pa ako handang harapin si Mikael ay minabuti ko nang umuwi para rin sa kambal. Hindi naman ako puwedeng mag-inarte na parang dalaga at mayroon na akong mga anak na puwedeng maapektuhan.
Pagdating ko sa bahay ay naabutan ko ang kambal na naglalaro sa sala. Agad silang yumakap sa akin at nagtanong.
"Mama, saan ka po galing? Bakit bigla ka po umalis kanina?" malambing na tanong ni Athena sa akin habang nakayakap.
Gustuhin ko mang sabihin sa kanila ang nangyari kanina sa amin ng lola nila ay maaaring maguluhan pa sila.
"Nakipagkita sa akin si Tito Zach niyo, matagal na rin kasi kaming hindi nagkita dahil masyado naging busy si mama sa wedding planning. Sabi pa nga niya miss na miss na rin niya kayo."
Namilog ang mata ng kambal nang marinig nilang si Zach ang kasam
