AURORA
NANG makabalik kami sa Maynila ay agad kong binisita si Jenna sa bahay niya para personal na ibigay ang pasalubong kong espasol na gawa ni nanay at para makibalita rin tungkol kay Zach.
Sakto namang nasa sala at nagbababad na naman sa K-drama itong si Jenna at parang baliw na kinikilig kay Lee Min Ho sa The King of Eternal Monarch.
"Bes, hindi ka naman masyadong baliw na diyan kay Lee Min Ho, ano?"
"Bes! Nandito ka na pala ulit. Kumusta naman ang bakasyon mo sa inyo? Aprub na ba si Mikael sa parents mo?" Masayang bati niya rin sa akin at ipinause ang pinapanood niya.
Inabot ko muna ang pasalubong ko saka umupo sa tabi niya, "Okay naman, tanggap na siya ng parents ko at pinaghirapan naman niya."
"Paanong pinaghirapan bes? You mean parang no'ng dati na nagsisibak ng kahoy, na
