Pinahid niya ang kanyang luha na basta na lamang naglandas sa kanyang pisngi habang nagta-type siya ng kanyang nobela sa laptop. Hindi niya alam kung dala lang iyon ng emosyon na dulot ng eksena na kanyang sinusulat o talagang naaalala lang niya si Robb.
Matagal na mula nang mawala si Robb. Labis na hinagpis at pangungulila ang nararamdaman ni Kate sa mga sandaling ito. Walang araw na hindi ito pumapasok sa isip niya at nag-aalala siya sa kalagayan nito. Hindi siya naniniwalang patay na ito. Ramdam niyang buhay pa ito at umaasa siyang magbabalik din ito.
Bumuntong hininga siya nang malalim bago muling tumingin sa monitor ng laptop. Biglang na lamang pumasok sa gunita niya ang mukha ni Robb. Ang kulay brown na mga mata nito at ngiti nitong pang-close up. Bumalik sa kanya ang mga masasay
