“Bakit hindi mo sinabi sa akin?” seryosong tanong ni Cedric sa kanya matapos ang matagal na pananahimik. Nagmamaneho na ito at nakatuon lang ang tingin sa daan.
“A-ang ano?” kinakabahang usal niya.
Bigla nitong itinigil ang sasakyan. Muntik na siyang masubsob sa unahan ng kotse sa lakas ng impact ng biglang pagpreno nito. Buti na lamang at naka-seat belt siya at naituon niya ang kanyang kamay sa unahan ng kotse.
Nilingon niya si Cedric at nakita niyang inihihilamos na naman nito ang palad sa mukha. Alam na niya ang dahilan niyon. Naiirita na naman ito. Lalo siyang kinabahan sa naging reaksiyon nito.
“Hanggang kailan ka ba maglilihim sa akin?” Tiningnan siya nito nang diretso. Nakakatakot ang mga mata nitong naniningkit at ilong nitong tila nanlalaki.
“P-pero wala naman akong ini—”
“
