Sa wakas, natapos na rin niya ang isang manuscript at agad niyang ini-email iyon kay Nina. Nakahinga siya nang maluwag nang makita niya ang reply nitong nagsasaad na na-received na nito ang kanyang manuscript at pinaghihintay lamang siya ng isa hanggang dalawang linggo para ma-review ng mga ito ang ipinasa niya. Malalaman niya ang resulta pagkatapos ng isa hanggang dalawang linggong paghihintay.
Hindi na siya makapaghintay. Sa bawat araw na lumilipas ay nasasabik siyang malaman ang resulta ng pinasa niyang manuscript. Ngunit hindi siya naiinip. Matiyaga niyang hinintay ang araw na iyon. Habang hinihintay, isinasalin pa rin niya ang isa pa niyang nobela. Ipapasa rin niya iyon sa oras na matapos.
Magtitipa na sana siya sa kanyang laptop para ipagpatuloy ang kanyang ginagawang nobela nang b
