Betty
Naalimpungatan ako ng makarinig ng mga boses sa paligid ko. Medyo malabo pa ang aking mata ng ginala ko ang tingin sa paligid. Nangunot ang noo ng maanig ang tatlong lalaki na magkakaharap na nakaupo habang may bote ng alak sa lamesa.
Maingay silang nagtatawanan habang may pinapanood na kung ano sa cellphone.
Kukusutin ko sana ang aking mga mata ng mangati ito nang hindi ko magalaw ang aking kamay. Lumingon ako sa likuran ko at doon ko nakitang nakagapos ang mga kamay ko maging ang aking mga paa sa bangko na kinauupuan ko.
Hindi ko din maibuka ng maayos ang aking bibig dahil may nakalagay dito na panyo kaya hindi ako makapagsalita para humingi ng tulong.
Nang makitang abala ang mga ito na nagkukuwentuhan, sinubukan kong kalagin ang pagkakatali sa aking mga kamay. Napakahigpit ng
