HATINGGABI ako natapos ang trabaho ko sa restaurant. Wala akong buhay na sumampa sa aking kama habang ang katawan ko ay parang wala ng lakas.
Wala rito si Carlos at hindi ko alam kung saan siya pumunta. Mas mabuti na rin 'yun dahil masama pa rin ang loob ko sa kaniya. Sigurado akong hindi siya umuwi rito simula noong nangyari kanina.
Sa sobrang pagod ng katawan ko ay mabilis lang akong nakatulog. Pagkagising ko sa umaga ay hinanap kaagad ng mata ko si Carlos pero hindi ko siya nakita.
Dahil sa nangyari ay laman na naman ng balita ang pagitan sa nangyaring pag-aaway kahapon. Marami ang nakiusisa at marami ang nag-away-away sa social media.
"Dahil sa ginawa ni Carlos kahapon ay kakasuhan daw siya ng agency ni Trayce sa ginawang pagsuntok niya kahapon sa kaniya," ang kwento ni Kendra haba
