DAHAN-DAHAN kong iminulat ang aking mga mata upang tingnan ang nagmamay-ari ng mga boses na naririnig ko sa paligid.
Subalit sa halip na lingunin ko ang mga taong iyon ay agad akong napabalikwas ng bangon at agad napasiksik sa gilid ng kama nang makita kong nasa ibang silid na ako at iba sa aking silid.
"Ana?!" Boses na kilalang-kilala ko kaya't mabilis akong napalingon dito. S Jenniel. "O-Okay ka lang?" tanong nito na mababakas pa ang kalituhan habang papalapit sa akin.
Mabilis akong dumamba ng mahigpit na yakap dito kasabay ng matinding panginginig ng aking katawan. "J-Jenniel, t-tulongan mo ako." Umiiyak kong sambit na tila lalo lamang nitong ikinalito.
"Ana, hindi kita maintindihan. Ano bang nangyayari?" naguguluhan nitong tanong, saka ako nito marahang inilayo sa katawan nito at m
