Pagkatapos nilang kumain ay nag-stay pa muna ng kalahating oras si Blaire sa pakiusap na rin ng daddy niya. Parang hindi yata matapos-tapos ang kwentuhan ng dalawa. Maya-maya ay nagpaalam na si Blaire. Tumanggi ito nang aluking ipahatid sa driver nila. Hindi na rin nagpumilit pa ang ama niya. Magpapatawag na lang sana siya ng taxi pero sinabi nitong sasakay na lang ng jeep sa may kanto dahil isang sakayan lang naman daw ang uuwian nito.
Alam niyang inubos nito ang laman ng wallet kanina nang ibigay sa kanya kaya't baka wala itong pambayad sa taxi kaya't tumanggi. Alam niyang magagalit uli ito kapag bibigyan niya ng pang-taxi kaya't hinayaan niya na lang ito sa gusto nito. Napilitan siyang ihatid ito sa may labas ng gate nila dahil sinabi ng daddy niya. Wala silang kibuan hanggang sa makal
