Binigyan niya ito ng instructions papunta sa bahay nila. Swabe ang pagmamaneho nito na para bang sanay lagi na nagda-drive ng kotse. Hindi na niya ipinagtaka iyon dahil na rin siguro sa trabaho nito bilang mekaniko kaya't parang sanay na sanay na itong magmaneho ng kotse.
Ipinapasok niya sa loob ang kotse nang pagbuksan ng katiwala nila ang malaking gate ng bahay. Hindi niya ito kinakitaan ng pagkamangha sa mala-mansiyong bahay nila. Siguro ay expected na nito iyon. Sa harap ng bahay nila niya pinahinto ang kotse. Mag-aalas singko pa lang iyon ng hapon kaya't laking gulat niya nang makita ang ama na para bang inaabangan siya.
Agad na bumaba siya para puntahan ang ama. Inutusan niya muna si Mang Berto na ipasok ang mga pinamili niya na nasa loob ng kotse. Hindi na niya hinintay na makaba
