Nag-alarm siya ng seven ng umaga kahit kakatulog pa lang niya. Buti na lang at Sabado nu'n kaya't wala siyang pasok. Alam niyang late laging nagigising si Wendy kaya't sinamantala na niya. Mabilis na nag-impake siya ng mga gamit. Isang maleta lang ang inihinanda niya. Andami niyang gustong dalhin pero hindi naman pwedeng magdala siya ng maraming gamit.
Nagmamadaling nilagay niya sa maleta ang mga kakailanganin niya muna gaya ng uniform sa school. Naligo siya kaagad at naghanda para umalis. Tumawag siya sa phone ng taxi na masasakyan. Hindi niya pwedeng dalhin ang sasakyan niya kasi hindi niya alam kung saan niya ipa-park iyon saka isa pa baka wala na rin siyang pang-gasolina du'n. Dahan-dahan siyang bumaba ng hagdanan dala ang maleta. Nakita niya ang makalat na sala. Andaming bote ng alak
