CHAPTER 26
Sigaw ako nang sigaw sa gitna ng daan na akala mo ay isa akong baliw. Paulit-ulit kong tinatawag si Papa pero hindi niya ako binalikan.
Ibig bang sabihin nito, wala na akong pamilya? Nandito pa siya, pero nag-iisa na ako.
Nanghihina akong bumalik sa loob ng bahay namin. Ang mga katulong na nakatingin sa akin, bakas sa kanilang mga mata ang awa para sa akin.
Parang dinudurog ang puso ko. Nanghihina akong napaupo sa isang sofa at walang tigil pa rin sa pag-iyak.
“Ma'am Danica, tubig po muna kayo.” Inabot sa akin ng isang katulong ang tubig ng baso.
Tanging tango lang ang nabigay ko sa kanila.
Napapaisip ako. May masama ba akong ginawa sa buhay upang maranasan ko ang ganito? I know I am not a perfect daughter, marami rin akong mga mali sa buhay. Pero deserve ko ba 'to? An
