“YOU’VE already had too much.”
Hindi nilingon ni Jace si Joaquin na naupo sa tabi niya. Hindi niya alam kung sinadya nitong sundan siya sa bar pagkaalis niya sa bahay ng mga ito o sadyang doon din ito patungo. Marahil ay naroon ito upang saksihan ang pagiging talunan niya, ang pagiging miserable niya. Naroon ito upang tuyain siya at gantihan sa mga nagawa niyang kasalanan.
He deserved that. He deserved to be like this. He deserved to be miserable.
“I’m sorry,” aniya bago inisang-lagok ang laman ng baso niya. Humingi siya ng panibago sa bartender. “Nagpaliwanag ako sa `yo bago ka umalis. I’m so sorry, Joaquin. Hindi ko intensiyon na saktan ka, paniwalaan mo iyon.”
Hindi ito sumagot at sinamahan siya sa tahimik na pag-inom.
Huminga siya nang malalim. “Minahal ka ni Pen.”
“Shut up.”
“K
