SA KABILANG ibayo, nagtatagisan ang mga nilalang sa pakikipagtitigan sa bawat-isa. Sa kabila naman ay nagpakikipagtagisan ng galing at ng kapangyarihan. Araw na nga ng kapiyestahan sa kanilang mundo. Kung hindi lang sana sa may pupuntahan siya roon, baka wala siya sa lugar na ‘yon. Pero may kailangan siyang maka-usap na isang mataas na nilalang. Nagbabakasakali siya na baka pagbigyan siya sa kahilingan nito. Hindi niya alam kung ano ang magiging kapalaran niya sa mundong iyon, pero wala namang masama kung gagawin niya ang lahat para kay Asula.
Inayos niya ang kanyang hoodie na suot saka inilibot ang kanyang paningin sa buong paligid. Magulo ang mga ibang nilalang, nagsisigawan, naghihiyawan at nagkakatuwaan. Maraming mga palaro na pwedeng panoorin, pero walang oras doon si Wave. Nauubos
