HILAM ang mga luhang pinagmasdan ko ang pag-ilaw ng aking telepono habang walang tigil sa pag-tunog ito.
“Hindi mo ba sasagutin?” ani King. Nakatingala sa langit at pinagmamasdan ang pagkinang ng mga bituin.
Muli kong tiningan ang pangalan ni Alli sa screen hanggang sa namatay ang tawag. Umiling ako. “Para saan pa?”
Kahit hindi sabihin, alam kong pagbabawalan na nila akong makipag-usap o makipag-kita kay Alejandro lalo na’t sinabi ko sa kanila ang totoo kung bakit ko kilala ang huli. Nanliligaw sa ‘kin ang sarili kong kapatid.
Maging sila nanay, hindi akalaing ang Alejandro’ng nakilala nila, ay anak ni Alica Kwon.
Hindi naimik si King at niyakap lamang ako ng mahigpit.
Isang linggo ang lumipas, pero pakiramdam ko ay kahapon lamang nangyari ang mga nalaman ko. Sariwa pa sa isipan k
