Isinakay agad si Mr. Ford sa ambulansya at ang matandang sekretaryang si Eve ang sumama rito. Si Stef nama'y nangako na susunod sa ospital. Sa ngayo'y nakapako ang atensyon niya sa kasalukuyang ginagawa ni Greg. Nasa opisina pa ito at pinangungunahan ang pagsisiyasat. Katulad ng ibang pulis, naka-gwantes din ito at naghahalungkat sa mga drawer.
"Bakit 'to ginagawa ni Greg. Saka bakit sumasaludo sa kanya ang ibang pulis?" bulong ni Stef.
Biglang lumapit si Perry at tinapik sa balikat ang dalaga. "Stef, Let's go. Papunta na kami sa hospital."
Sumilip si Stef sa abalang si Greg. Pagkatapos nito'y umiiling siyang humarap kay Perry. "Mauna na kayo Sir Harry, hinihintay ko pa si Greg."
"You sure? Baka matagalan siya kasi siya ang head ng undercover task force na 'yan."
"A-anong undercove
