At ngayon para sa entertainment news:
Dinagsa ng libo-libong mga tagahanga ang mga sinehan ng Royal Town Center Mall. Ito ay dahil sa premier night ng pelikulang Sanely Inlove with You na pinagbibidahan ni Francia Tiu at ng tinaguriang "The badboy heartthrob" na si Greg Grey...
Napangiti si Stef hindi dahil sa narinig ang pangalan ni Greg, kundi dahil sa bansag ng media sa nobyo. Bagay na bagay naman talaga ang titulong 'yon kay Greg dahil siya 'yong tipong palaban at prangka kahit sa harap ng camera. Kapag may nakikita siyang mali o hindi maganda ay agad itong pinupuna. Dahil dito, madalas siyang nasasangkot sa kung anu-anong suliranin sa mundo ng showbiz.
Gayumpama'y karamihan sa mga ito ay napatunayang hinabi lamang upang sirain ang reputasyon niya. Kaya nga marami pa rin ang umiidol
