TWENTY FOUR
AFTER ONE YEAR
"LOLO, LET'S swim!" Excited na hinigit ni Xander at Xandra ang Lolo Yvo nila papunta sa dagat.
Nangingiti naman si Katarina habang pinapanood ang mga ito na pinag-aagawan ang Lolo nila. Nasa isang isla sila na pag-aari ng manugang niyang si Xavier. Napagpasiyahan ng pamilya na mag-outing dahil sa init ng panahon.
"Mommy, bakit hindi pa kayo naliligo? May problema ba?" Untag ni Kassandra sa kanya at inakbayan siya. Sinapo naman niya ang may kalakihan na nitong tiyan. Apat na buwan na itong buntis sa pangatlo at pang-apat nitong anak. Tama, dahil kambal na naman ang ipinagbubuntis nito.
"Mamaya na lang ako kapag dumating na ang kapatid mo at si Haley," tugon niya.
"Hon, may gusto ka pa bang ipakuha?" Napalingon sila sa asawa ng anak niya na may bitbit na iba'
