TWENTY ONE
WALANG EMOSYON na bumalik si Xavier sa loob ng cabin. Hindi na siya nagulat nang maabutan ang dalaga na nakatayo sa may pintuan. Diretso niya itong tinitigan sa mata at waring naghahanap ng kung ano doon. Pero walang emosyon siyang nakita. Hindi na niya mabasa ang nararamdaman nito hindi gaya noon. Malamig at walang buhay kung tingnan siya ng mga mata nito simula pa noong unang nagkita sila sa mansyon. Nawala na ang kislap at ningning no'n na paborito niyang pagmasdan.
"Pinapauwi ka na ba niya?" Pagkaraan ay tanong nito. Hindi ito natinag sa pakikipagtitigan sa kanya. Habang siya ay nadi-distract sa bawat pagkibot ng labi nito. Gusto niyang alisin ang atensyon do'n pero hindi niya magawa. Lalo na nang makita niya kung paano basain ng dila nito ang natural na na mapulang labi.
