THIRTEEN
KINABUKASAN ay abala ang lahat sa paghahanda sa pagdating ng mga magulang ni Xav at Patty galing Estados Unidos. Ito ang tinutukoy ni Patty na darating.
Doon na nakabase ang mga magulang nila Xav at pati na rin si Patty, kung hindi nga lamang tumakas ang huli dahil sa gustong ipagawa rito ng mga magulang, samantalang si Xav naman ay hindi nakumbinsi dahil ginusto nitong ipagpatuloy ang nasimulan ng namayapa nitong abuelo, at 'yon ay ang hacienda.
"Are you alright here?" Anang binata at inilagay ang takas niyang buhok sa likod ng tainga niya. Nasa malawak na garden siya ng mansion ng mga Vallejo, kung saan ginaganap ang pagluluto, 'yung sa kahoy sila nagluluto at malalaking lutuan ang gamit. Probinsya style of cooking, naisip niya.
"Yup, I'm fine. P-Puro pawis ka na, oh."
