THEA
Mahimbing ang naging tulog ko. Paggising ko, tirik na tirik na ang araw. Pagtingin ko ng oras sa digital clock, pasado alas nueve na ng umaga. Kaagad akong bumangon sa kama at niligpit ang higaan ko. Pagkatapos, tinungo ko ang washroom para maghilamos at mag-toothbrush. Nagpalit na rin ako ng damit bago bumaba. Dumiretso agad ako sa kusina. Napangiti ako nang makita ko na nagkakape si Clark.
Ngayon ko na lang ulit siya nakitang nagkakape dito sa bahay. Huling ginawa niya ito, kolehiyo pa ako at malaki na ang paghanga ko sa kanya. Ngayong legal na siya sa magulang ko, hindi na ako kinakabahan na baka mahalata niyang gustong-gusto ko siyang nakikita dito sa bahay.
“Good morning,” masiglang pagbati ko sa kanya nang mapansin agad niya ang presensya ko.
Ngumiti siya at pinalapit niy
