Kalat na nga sa buong campus ang relasyon nila ni Andreas bilang mag-boyfriend at girlfriend kaya unti-unti ng namatay ang issue niya. Bumalik na sa dati ang paligid niya. Wala ng mga malisyosong tingin at mga parinig. Mas payapa na rin at tahimik dahil kaunti na lang ang nakikihalubilo sa kaniya.
Marami ang naiilang na lapitan siya dahil sa pagkapahiya mula sa paggatong noon sa issue niya. Tama nga ang sinabi no'n ni Andreas na ipapahiya niya ang mga nanghamak sa kaniya. Ngayon ay makita lang siya ng mga taong 'yon ay nakararamdam na sila ng hiya at guilt kahit wala siyang gawin.
"Narinig mo na ba? Ang daming kapalpakan ng student council ngayon..." halos ibulong 'yon ng isa sa mga kaklase niya.
Nagpatuloy si Avionna sa pagbabasa. Hindi naman maiwasan na maririnig niya 'yon.
"Oo ng
