Nasa garden si Avionna, abala sa pagbabasa ng libro na ibinigay sa kaniya ni Andreas. Wala silang professor sa isang subject kaya malaya siyang tumambay muna habang naghihintay ng kasunod na klase. Focus siya sa pagbabasa nang may huminto sa harap niya. Iisipin niya sana na si Lance 'yon ngunit pambabae ang sapatos at nakasuot ng palda na uniform nila.
Pag-angat niya ng tingin ay si Phoebe iyon. Napansin niya ang pagbabago sa hitsura nito. Katulad pa rin naman ng dati na maganda ngunit halatang mas seryoso na ang aura at stress na rin. Kung dati ay laging naka-make up, ngayon ay liptint na lang ang suot nito.
"Avionna, kausapin mo naman ako."
Tinignan niya lang ang dating kaibigan at ibinalik ang mga mata sa libro. Narinig niya ang pagbuntong-hininga ni Phoebe bago umupo sa harap niya
