"Phoebe," marahan na saad ni Avionna sa kaibigan na nakita at narinig sila ni Andreas.
Nagpalipat-lipat ang tingin nito sa kanilang dalawa ng binata. Natigilan si Andreas saka nilingon ang kaibigan ni Avionna, kapagkuwan ay tumaas ang kilay. Huminga nang malalim si Avionna saka tinignan si Andreas.
"Sige na, umuwi ka na," aniya.
Tinignan siya ni Andreas. "Will you be okay here?" tanong nito sa kaniya.
Tumango si Avionna saka tipid na ngumiti.
"Alright. Text me when you need anything," ani Andreas sa kaniya.
Hinaplos pa muna ng binata ang pisngi niya bago ito umalis patungo sa naghihintay sa kaniyang driver at sasakyan.
Suminghap ng hangin si Avionna nang tuluyan nang makaalis ang sasakyan ni Andreas bago hinarap si Phoebe na titig na titig sa kaniya. Nilapitan niya ang kaibiga
