NAPATIGIL si Lianne sa pag-aayos ng kanyang gamit nang marinig ang pagtunog ng doorbell sa hotel room na kinaroroonan niya. Tahimik na humakbang siya patungo sa pinto at sinilip kung sino ang nasa labas ng silid niya sa pamamagitan ng door viewer. Nakagat niya ang labi nang makita si Xander na siyang nakatayo sa harap ng pintuan.
Muling tumunog ang doorbell. Naisandal niya ang noo sa pinto. Ang plano niya ay uuwi na siya ngayon sa Sorsogon, sapat na sa kanya na makitang nagkamalay na ang daddy niya. Hindi pa rin naman niya ito kayang harapin ngayon.
"Lianne!" narinig niyang tawag ni Xander sa kanya mula sa labas, pagkatapos ay malakas itong kumatok. "Lianne, I know you're in there. Buksan mo ito, mag-usap tayo."
Napahugot siya nang malalim na hiningi bago binuksan ang pinto. "Ano'ng kai
