“I REALLY NEED to tell you something.”
Nakakapanibago. Sa tanang buhay ni Council JC, noon lang niya nakita sa mga mata ni Iñgo ang ganoong klaseng kaseryosong mukha. Nahalata niya na malaki ang problemang kinakaharap nito nang kagatin nito ang ibabang parte ng labi at tumingin sa kaliwang parte ng silid. Isa lang ang ibig sabihin niyon: nagdadalawang-isip siyang sabihin ang totoong nasa utak niya. Kasabay din niyon ang paglalaro nito sa kanyang daliri na tila hindi mapakali.
Matagal nang council ng RnJ si JC kaya gamay na niya ang mga pasikot-sikot doon maging ang ikinikilos ng mga tao. At sa lahat ng hired-husband, si Iñigo ang isa sa pinakamalapit sa kanya. Siguro ay dahil pareho sila ng personalidad kaya mas madalas silang magkaunawaan. Ang pinagkaiba lang siguro nilang dalawa ay ma
