"Mabuti at maayos na pakiramdam mo. Sorry, isang beses ka lang naming nadalaw," pahayag ni Mia habang naglalagay ng lip balm.
Naroon siya sa ladies room, sa tapat ng malaking salamin kasama ang kaibigan at ka-blockmate na si Angel. Kababalik lang nito matapos magpahinga sanhi ng naging operasyon sa appendix.
"Ayos lang 'yon, ako pa ba magtatampo sa inyo?" wika ng kaibigang naging malapit sa kaniya mula first year. Abala ito sa paghuhugas ng kamay sa lavatory. Kaagad umugong ang ingay sa hand dryer nang magsimula itong magpatuyo roon.
Nang matapos silang makapag-ayos, naglakad na sila patungo naman sa sunod nilang klase.
"Grabe hanggang ngayon, 'di pa rin ako makapaniwala sa nangyari sa ate ni Arienne. Kumusta na kaya siya?"
"Hindi ko alam, hindi pa rin kasi siya
