Patuloy pa rin ang pagbuhos ng malakas na ulan. Makikita ang malalaking butil nito sa bintana ng kuwarto ni Mia. Hindi niya 'yon gaanong alintana dahil may nakasalpak na earbuds sa tainga niya. Nakikinig siya ng mga paborito niyang pop songs.
Nasa bahay na si Mia, nakaupo sa tapat ng kaniyang study table at nagpapakaabala. May kailangan kasi siyang tapusing report na ipi-present na next week.
Huminto siya sa ginagawa at napatingin sa labas ng bintana. Gusto niya sa tuwing umuulan, maliban na lang kung nasa kalye siya or naipit sa trapik. Pero, kapag nasa bahay lang siya, napagagaan nito ang pakiramdam niya. Ewan ba niya, pero minsan, parang ang romantic ng ulan. Napaka-perfect din nito para sa isang warm chocolate milk.
Dahil sa pagki-crave niya, tumayo siya para bumaba sa
