Class at elegance.
Iyan ang bumungad kina Francis at Angel nang makarating sa lobby. Sinalubong din sila ng mga ngiti ng mga nanggagandahang hotelier. Napakalawak ng lugar na napalilibutan ng mga naglalakihang bintanang salamin. Mahahalata sa ambience na hindi basta-basta ang mga taong nakapapasok sa Kings Palace Hotel. Kahit ang mga natatanaw nilang nasa lounge ng lobby, kapansin-pansin ang mga stylish clothes na nagsusumigaw na galing sa mga mamahaling brand.
Dumiretso sila sa front desk para magkunwaring magtatanong tungkol sa rates ng function room. Hinarap naman sila ng babaeng nakasuot ng white blouse, na pinatungan ng light blue ruffle sleeveless vest, skirt at mataas na takong.
"Gusto sana naming makausap ang Front Desk manager ninyo." Ngumiti si Angel na saglit inali
