Banayad na naglalakad sa loob ng Woodridge Subdivision sina Nate at Henry. Katabi ito ng kanilang Academy na may pare-parehong American-style na bahay. Iilang dangkal lamang ang kanilang pagitan habang naglalakad. Tahimik ngunit may kapanatagan sa loob ang dala ng kanilang presensya sa isa’t isa. Tumingin sa kabilang ibayo si Nate at nasilayan nito ang latag ng mga nakailaw na bahay sa pisngi ng bundok na kanyang natatanaw mula sa kanilang kinaroroonan na para bang mga bituing bumaba sa langit. Walang direksyon ang paglalakad ng dalawa ngunit dama nila ang kaligtasan sa gitna ng mga posteng may nakasabit na mga tila lamparang ilaw sa gilid ng daan. Napakalamig ng Baguio pero ang lugar na ito ang nagparamdam muli kay Nate ng mainit na pagtanggap ng isang maituturing na tahanan. Ang marahang
