Adelina's Point of View
"Kumusta ang pakiramdam mo?" bungad na tanong sa akin ni Manang Pasita nang bisitahin niya ako sa kwarto kung saan ako nagpapagaling. Nang dumako sa akin ang mga mata niya ay bakas ang lungkot sa mga ito. Mukhang pagod din siya at kulang sa tulog dahil halata na ang pangingitim ng palibot ng kanyang mga mata.
"Ayos lang po ako, manang," sagot ko sa kanya. Wala naman akong natamong malalang pinsala maliban sa malaking sugat sa hita ko. "Hindi po ako dapat ang iniisip n'yo, kundi si Amadeo," dagdag ko. "Nagising na po ba siya?"
Hindi siya sumagot, at mula room ay alam ko na agad ang sagot.
Naikuyom ko na lang ang kamay ko. Dalawang araw na mula nang mangyari ang akaidente at hindi pa nagigising si Amadeo simula nang araw na 'yon. Wala rin akong lakas ng loob na p
