Chapter 20
Claire's POV
Nasa harap ako ng bahay nila Faye. Tahimik lang doon pero nasa labas ang daddy niya habang nakaharap sa laptop at cellphone.
"Faye, bilhan mo nga ako ng tinapay diyan sa kabila." Nakatitig pa rin ang daddy niya sa laptop habang kinakapa ang bulsa.
Lumabas si Faye mula sa loob na halatang hindi nanuklay ng buhok. Kanina pa ako rito pero hindi ko binalak na tumawag nang makita kong naroroon ang daddy niya. Kung mayroon man siyang problema ay ayokong makita 'yon ng pamilya niya. Hindi dahil sa ayokong magsabi siya pero alam kong hindi siya komportable sa ganoong bagay. She's been through a lot of things these past few weeks, kung gusto man niyang sabihin ang problema sa kanila ay sa kaniya mismo dapat manggaling.
Palabas na si Faye kaya dahan-dahan akong nagl
