HURT
Hindi ako nag-angat ng paningin dahil hindi ko alam kung papaano maitatago dito ang nararamdamang pananakit ng tiyan. Madiin kong hinawakan ang aking tiyan at pilit na kinakalma ang aking sarili. Halos hindi ko na magawang huminga dahil sa sakit na nararamdaman.
Mariin kong kinagat ang aking pang-ibabang labi upang kahit papaano'y maibaling doon ang aking atensyon. Pakiramdam ko ay parang may humahalukay sa tiyan ko at kinakalkal ang aking mga lamang loob. Sumidhi ang kirot nito. The pain is unbearable. I want it to stop!
"Okay ka lang po ba?" Naramdaman ko ang presensya ng bata sa gilid ko. Kahit ngumingiwi ay pinilit kong tumango. Hinagod niya ang aking likod at hindi ko alam kung papaano nangyari iyon pero unti-unting humupa ang kirot na nararamdaman ko. Parang may kakaibang me
