MAX
Itinulak ko ang cards na nasa ibabaw ng mesa palapit sa kaniya.
“Hindi ko matatanggap iyan. Saka tantanan mo ako sa sugar daddy na sinasabi mo. Bakit kailangan mo pa akong bigyan niya? Hindi mo rin dapat problemahin ang problema ko. Pwede naman akong gumawa ng paraan kapag kinapos ako sa pera,” paliwanag ko sa kaniya.
Hindi ko matatanggap ang binibigay niya sa akin lalo na at alam kung hindi biro ang laman ng mga cards na iyon. Mukhang pera ako pero gusto kong magkapera sa paraang hindi ko iaasa sa iba.
“Alam ko naman na kaya mong gumawa ng paraan pero kung ang paraang iniisip mo ay ang gaya noong nakaraan na nag-waitress ka pa sa night club, hindi ako papayag. Saka huwag mo isipin ang pera, madami ako noon. Gusto mo, ibigay ko pa sa iyo lahat pero dapat kasama ako sa tatanggapin m
