MAX
Gaya nga ng inasahan ko ay hindi na bumalik si Warren. Hindi ko na lang pinansin, nasasanay na rin ako na may mga bagay siyang hindi tinutupad. Ngayon pa lang, hindi ko na gusto ang ginagawa niya. May mga sinasabi siyang hindi niya natutupad. Ikalawang beses na niyang sinabi sa akin na babalik siya para mag-usap kami pero hindi niya ginagawa. Siguro dahil mas importante ang babaeng pinuntahan niya. Hindi ko lang maunawaan kung bakit kailangan pa niya akong guluhin kong may iba pa ba siya. Maaring tama ako, siguro challenge nga lang ako para sa kaniya. Kung ganoon, wala siyang aasahan sa akin. Sa ginagawa niya, sinisira niya pati pagkakaibigan naming dalawa. Nawawalan na ako ng tiwala sa kaniya.
Maaga akong gumising para pumasok sa trabaho.
Nagkasabay pa kami ni Suzy nang pababa na a
