VICTORIA
Ngayong araw ding ito ay hindi ko alam kung bakit tila nanggagalaiti pa ako sa inis dahil kay Miranda. Ang babaeng kinagigiliwan ng lahat at ginagawa pang modelo ng ibang mga kababaihan na kung susumahin ay hindi pa nila nakikita ang kaniyang totoong ugali. Sino ba talaga siya sa buhay ni William at ganoon niya na lang ako palayasin at tratuhin? Akala niya siguro ay masisindak niya ako kaya rin siguro pinaalis muna ako ni William. Kakausapin ko na rin si William patungkol ditto dahil hindi naman ako si Cinderella na magiging bait-baitan at maging api-apihan. Tatanggapin ko rin naman kahit masakit sa huli kung ano ang makukuha kong sagot mismo kay William dahil maganda na rin iyon upang hindi na masyadong maging malalim at matagal na madikit ako sa kaniya. Alam ko rin na magkikita
