“DAMN!” pagmumura ni Ezekiel. Hindi niya ugaling manood ng mga showbiz report pero mula nang umingay ang balita na may dinalang girlfriend si Alexander sa party sa Moreno Empire Building ay hindi na niya mapigilang magbukas ng telebisyon. Katulad na lang nang mga oras na iyon kung saan pinag-uusapan sa isang talk show kung sino si Patrice sa buhay ng supermodel na si Alexander. Mabuti na lang at hindi pa rin humuhupa ang pinasabog niyang balita tungkol sa pagiging magpinsan nila ni Bainisah, kung hindi ay nasisiguro niyang walang ibang magiging laman ang mga talk show at showbiz reports kundi sina Alexander at Patrice.
It had been three days since he saw her. Napapikit siya nang maalala ang mga binitiwang salita ng dalaga sa kanya. Galit na galit pa rin ito sa kanya. Ang bawat salita nito
