"Sabihin mo, ano ang magiging benepisyo sa akin ng magiging pagtanggap ko sa trabahong gusto mong ibigay sa akin?"
Sandaling napatitig si Daneliya sa kaharap. Kasalukuyan silang magkasama sa hapag-kainan ni Hercules. "Sinabi ko na sayo nung nakaraan ang lahat ng pwede mong matamasa. Pero kung may gusto ka pang idagdag ay pwede kong pag-isipan."
"Aside from the obvious," he added.
Gustong tumaas ng kilay. So demanding! Pero wala siyang choice. Mula ng mangyari ang pagtatambang sa kanya ay hindi na siya mapakali kahit sa pagtulog. Paranoid na rin siya kapag napansin may nakasunod na sasakyan. Madali lang ang mag-hire ng bodyguard pero mas panatag siya kapag ito ang nasa tano. "Sabihin mo ang gusto mo at handa akong ibigay."
"Paano kung sabihin kong hindi pera ang gusto kong makuha mu
